הקדמה
טייערע לייענער,
די וואך לייענען מיר פרשת תולדות – „ואלה תולדות יצחק בן אברהם“. די סדרה רעדט פון עלטערן און קינדער: א טאטע און א מאמע וואס דאווענען אויף קינדער, צוויי צווילינג וואס שטויסן זיך שוין אין בויך, און א זון וואס איז מכבד זיין טאטן מער ווי ווער עס איז. ממילא גייט אויך דער נומער אויף דעם וועג.
אין אונזער הויפט־ארטיקל פרעגט „שמן למאור“: וועמענס תפילה איז חשוב'ער – פון א צדיק בן צדיק אדער פון א צדיק בן רשע? און ער ענטפערט מיט א שארפן בליק אויף א היימישן לעבן וואס פארט אויף א באן. אין קאווע שטיבל האט מען אין תשע"ג געשמועסט אויף דער סדרה – וויפיל יאר איז רבקה געווען, וואס האט עשו געהאלטן פון דער בכורה – און דער עולם האט אויך געשמועסט וועגן כיבוד אב ואם, דער מצוה וואס עשו האט מקיים געווען בהידור. „יידל“ דערקלערט וואס א קינד ירש'נט פון די עלטערן, און אויף היידפארק האט מען אין תשס"ו געלאכט פון די רויטע „נזיד עדשים“־קוקיס אין בארא פארק.
קומענדיגן מאנטאג, ו' כסלו, איז די יארצייט פון ר' מיכאל בער ווייסמאנדל, און מיר ברענגען א שמועס פון פאליש וועגן אים. דערצו קומען די פעסטע קאלומס: „יארצייטן פון דער וואך“, „פערל פון די ארכיוון“, „היינט מיט . . . יאר צוריק“ און „די תגובה פון דער וואך“.
ביי יעדן שטיק שטייט פון וועלכן ארכיוו עס קומט, דער ניק פונעם שרייבער, און ווען עס איז געשריבן געווארן. די ווערטער זענען זייערע; מיר האבן מגיה געווען דעם אויסלייג און די גראמאטיק, און וואו מיר האבן עפעס אויסגעלאזט, שטייט „[פארקירצט]“.
א גוט שבת, און האט הנאה פון לייענען!